Gidoi Faktoria/ El Espacio del Guión | Cursos y talleres de guion en Bilbao, Vizcaya

Sei urte luzez izan da LOST mundu osoko milaka lagunen egunerokotasunaren parte. Pasa den maiatzaren 23an bukatu zen, eta, onerako edo txarrerako, saioaren ekoizle exekutiboek gura izan dutena lortu dute: amaiera egokia ematea.

Carlton Cuse, ekoizle exekutibo horietan gorena, Madrilen izango da urrian. SGAEk antolatu duen 9 orduko Master Class berezia emango du, eta gai ugari jorratuko ditu: talde lana telebistako gidoigintzan, argumentuen edizioa, estruktura eta eraikuntza, "showrunner"-aren lana eta abar. Gainera, LOST saioko kapituluak erabiliko omen ditu adibideak emateko. Hori bai, SGAEko kidea eta gidoilari edo zuzendaria izan behar da parte hartzeko.